Ўзбекистон ОТМлари консорциумининг йиғилиши

Ҳуқуқни муҳофаза қилиш академияси, Инсон ҳуқуқлари бўйича Ўзбекистон Республикаси Миллий маркази, Тошкент давлат юридик университети, Жаҳон иқтисодиёти ва дипломатия университети вакилларидан иборат Ўзбекистон ОТМлари консорциумининг инсон ҳуқуқлари бўйича ишчи гуруҳи йиғилиши бўлиб ўтди.

Учрашувда иштирокчилар Ҳуқуқни муҳофаза қилиш академиясида яратилган “Инсон ҳуқуқларига оид халқаро ҳуқуқ” мутахассислиги бўйича магистратура йўналиши жорий этилганини, Академия тузилмасида “Халқаро ҳуқуқ ва инсон ҳуқуқларини ҳимоя қилиш” кафедраси ташкил этилганини олқишладилар.

Томонлар Консорциум фаолиятининг академик, амалий, ахборот таркибий қисмлари, идоралараро ва халқаро ҳамкорликни ташкил этиш бўйича иш натижаларини муҳокама қилдилар.

Тадбирда Ўзбекистон Республикаси Президентининг “Ўзбекистон Республикасида Инсон ҳуқуқлари соҳасида миллий таълим дастурини тасдиқлаш тўғрисида”ги қарори ижросини таъминлашга қаратилган Консорциумнинг 2023 йилга мўлжалланган иш режаси лойиҳаси, шунингдек, мазкур консорциумнинг 2023 йилга мўлжалланган иш режаси лойиҳаси ҳамда Инсон ҳуқуқлари умумжаҳон декларациясининг 75 йиллиги муҳокама қилинди.

Учрашув якунлари бўйича иштирокчилар “Инсон ҳуқуқларига оид халқаро ҳуқуқ” магистратура йўналишини такомиллаштириш, Инсон ҳуқуқлари бўйича миллий таълим дастурини барча даражаларда сифатли амалга ошириш бўйича Консорциумнинг салоҳиятини ошириш, халқаро ва халқаро ҳуқуқ институтлари билан ҳамкорликни кенгайтириш, инсон ҳуқуқлари бўйича таълим соҳасидаги минтақавий тузилмаларни янги босқичга кўтаришга тайёрлигини тасдиқладилар.