O‘zbekiston OTMlari konsorsiumining yig‘ilishi

Huquqni muhofaza qilish akademiyasi, Inson huquqlari bo‘yicha O‘zbekiston Respublikasi Milliy markazi, Toshkent davlat yuridik universiteti, Jahon iqtisodiyoti va diplomatiya universiteti vakillaridan iborat O‘zbekiston OTMlari konsorsiumining inson huquqlari bo‘yicha ishchi guruhi yig‘ilishi bo‘lib o‘tdi.

Uchrashuvda ishtirokchilar Huquqni muhofaza qilish akademiyasida yaratilgan “Inson huquqlariga oid xalqaro huquq” mutaxassisligi bo‘yicha magistratura yo‘nalishi joriy etilganini, Akademiya tuzilmasida “Xalqaro huquq va inson huquqlarini himoya qilish” kafedrasi tashkil etilganini olqishladilar.

Tomonlar Konsorsium faoliyatining akademik, amaliy, axborot tarkibiy qismlari, idoralararo va xalqaro hamkorlikni tashkil etish bo‘yicha ish natijalarini muhokama qildilar.

Tadbirda O‘zbekiston Respublikasi Prezidentining “O‘zbekiston Respublikasida Inson huquqlari sohasida milliy ta’lim dasturini tasdiqlash to‘g‘risida”gi qarori ijrosini ta’minlashga qaratilgan Konsorsiumning 2023 yilga mo‘ljallangan ish rejasi loyihasi, shuningdek, mazkur konsorsiumning 2023 yilga mo‘ljallangan ish rejasi loyihasi hamda Inson huquqlari umumjahon deklaratsiyasining 75 yilligi muhokama qilindi.

Uchrashuv yakunlari bo‘yicha ishtirokchilar “Inson huquqlariga oid xalqaro huquq” magistratura yo‘nalishini takomillashtirish, Inson huquqlari bo‘yicha milliy ta’lim dasturini barcha darajalarda sifatli amalga oshirish bo‘yicha Konsorsiumning salohiyatini oshirish, xalqaro va xalqaro huquq institutlari bilan hamkorlikni kengaytirish, inson huquqlari bo‘yicha ta’lim sohasidagi mintaqaviy tuzilmalarni yangi bosqichga ko‘tarishga tayyorligini tasdiqladilar.