“Катталар таълимида интерактив методлар” мавзусида семинар-тренинг бўлиб ўтди

Ҳуқуқни муҳофаза қилиш академияси томонидан профессор-ўқитувчиларнинг педагогик маҳоратини ошириш, таълим жараёнига инновацион метод ва технологияларни жорий этиш борасида тизимли ишлар олиб борилмоқда.

Академия томонидан Немис халқ университетлари ассоциациясининг Ўзбекистондаги филиали (DVV International) билан ҳамкорликда “Катталар таълимида интерактив методлар” мавзусида навбатдаги семинар-тренинг ўтказилди.

Тренингни DVV International лойиҳалар координатори Ҳ.Ҳакимжонова ва Педагогик инновациялар институти доцуенти Д.Рахматуллаевалар ўтказиб, улар томонидан катта ёшдагилар таълимининг ўзига хос хусусиятлари, интерактив методларни таълим жараёнида қўллаш, интерфаол методларни танлаш мезонлари, ўқув машғулотлари жараёнида юзага келадиган муаммоли вазиятлар ва уларни бартараф этишнинг замонавий усуллари ҳамда бошқа шу каби инновацион таълим технологиялари тўғрисида батафсил тушунчалар берилди.

Тренингда иштирокчилар томонидан берилган саволларга батафсил жавоб берилиб, ушбу йўналишдаги муаммоларнинг аниқ ечимлари кўрсатиб берилди.

Келгусида бундай тадбирларни мунтазам ташкил этишга келишиб олинди.