Аграр ва озиқ-овқат соҳаларини ривожлантиришга оид қонунчилик ижроси устидан прокурор назоратини услубий таъминлаш йўлида

Ҳуқуқни муҳофаза қилиш академияси томонидан “Аграр ва озиқ-овқат соҳаларини ривожлантиришга оид қонунчилик ижроси устидан прокурор назорати” номли услубий қўлланма тайёрланди.

Мазкур қўлланма прокуратура органларининг ер ресурслари талон-торож қилинишининг олдини олиш, аграр ва озиқ-овқат соҳаларини ривожлантириш, табиий кўлларда балиқчиликни ривожлантириш ва сув ресурсларидан фойдаланишга оид қонунчилик ижроси устидан назорат соҳаларидаги фаолиятини йўналтириш, шунингдек мавжуд норматив ҳужжатлар мазмуни билан таништириш, текширишга тайёргарлик босқичида таҳлил учун зарурий маълумотлар ва текшириш ўтказиш жараёнида ўрганилиши лозим бўлган масалаларни ёритиб бериш орқали услубий таъминлаш мақсадида ишлаб чиқилган.

Шу билан бирга, қўлланма соҳага оид назорат объектлари, уларни текшириш тартиби, механизмлари ва бошқа масалаларни қамраб олган.

Мазкур услубий қўлланма фаолиятида фойдаланиш учун вилоят прокуратуралари, уларга тенглаштирилган прокуратуралар ҳамда туман (шаҳар) прокуратураларига етказилади.