Бакалавриат талабаларининг судьялар билан учрашуви

Ҳуқуқни муҳофаза қилиш академиясида бакалавриат талабаларининг жиноят ишлари бўйича Юнусобод туман суди судьялари билан учрашуви бўлиб ўтди.

Тадбирда туман суди раиси ўринбосари Ф.Исмаилова, судьялар О.Хайитов, А.Шамахмудов, У.Мусаев ва А.Мухиддинов, Академия бўлим бошлиғи Б.Баҳромбековлар ҳамда бакалавриат талабалари иштирок этдилар.

Тадбир давомида судья О.Хайитов Ўзбекистон Республикасининг Конституциясига одил судлов фаолиятига оид киритилаётган ўзгартиришлар, судья А.Шамахмудов педагог ходимларнинг хизмат вазифаларини бажариши ҳамда тиббиёт ходимининг қонуний фаолиятига тўсқинлик қилганлик учун жавобгарлик кучайтирилиши муносабати билан қабул қилинган қонунларнинг мазмун моҳиятини тушунтирдилар.

Шунингдек, тадбир доирасида судья Ф.Исмаилова раислигида Ўзбекистон Республикасининг Жиноят кодексининг 276-моддаси 1-қисми билан бўлган жиноят ишининг сайёр суд мажлиси бўлиб ўтди.

Тадбир сўнгида, талабалар судьялардан жиноят ва жиноят процессуал қонунчилигини қўллашда юзага келаётган муаммолар юзасидан ўзларини қизиқтирган саволларга тўлиқ жавоб олдилар.