Жиноий фаолиятдан олинган даромадларни легаллаштириш ва терроризмни молиялаштиришга қарши курашиш бўйича масофавий малака ошириш курслари бошланди

Бош прокуратура Академиясида Бош прокуратура ҳузуридаги Иқтисодий жиноятларга қарши курашиш Департаменти билан ҳамкорликда жиноий фаолиятдан олинган даромадларни легаллаштириш ва терроризмни молиялаштиришга қарши курашиш масалалари бўйича биржа брокерлари учун масофавий малака ошириш курси ташкил этилди.

Мазкур курс Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича идоралараро комиссиянинг топшириғи ижросини таъминлаш доирасида ташкил этилди.

Курс дастури жиноий фаолиятдан олинган даромадларни легаллаштириш ва терроризмни молиялаштиришга қарши курашишнинг миллий тизимига оид устувор масалалар, жиноий фаолиятдан олинган даромадларни легаллаштириш ва терроризмни молиялаштириш соҳасидаги халқаро стандартлар, ушбу соҳадаги хавфларни миллий баҳолаш, жиноий фаолиятдан олинган даромадларни легаллаштириш ва терроризмни молиялаштириш билан боғлиқ шубҳали фаолиятни таҳлил қилиш, шу жумладан оператив таҳлил масалаларини қамраб олган.

Келгусида бу каби курсларни жиноий фаолиятдан олинган даромадларни легаллаштириш ва терроризмни молиялаштиришга қарши курашиш фаолиятига жалб қилинган пул маблағлари ёки бошқа мол-мулк билан боғлиқ операцияларни амалга оширувчи бошқа ташкилотларнинг ходимлари учун ҳам ташкил этиш назарда тутилган.