Ички ишлар органлари терговчилари учун малака ошириш курси бошланди

Ҳуқуқни муҳофаза қилиш академиясида ички ишлар органлари терговчилари учун “Тергов фаолиятини ташкил этиш масалалари” мавзусида масофавий малака ошириш курсининг ўқув машғулотлари бошланди.

Мазкур ўқув курси тингловчиларнинг суриштирув ва дастлабки тергов ўтказишнинг умумий қоидалари, тергов жараёнида далилларни тўплаш, текшириш, расмийлаштириш ва баҳолаш, тергов жараёнида айрим тергов ҳаракатларини ўтказиш ва жиноятларни малакалаш билан боғлиқ муаммолар ва уларнинг ечимлари, криминалистик техника ва тактикалар, суд экспертизаси, тезкор-қидирув фаолияти натижаларидан жиноят процессида фойдаланишни ташкил этиш, тизимли таҳлил ҳамда тергов фаолияти психологиясига оид билим ва кўникмаларини шакллантириш ҳамда ривожлантиришга йўналтирилган.