Психологиянинг долзарб масалаларига бағишланган амалий машғулот ўтказилди

Ҳуқуқни муҳофаза қилиш академиясида психологиянинг долзарб масалаларига бағишланган амалий машғулот ўтказилди.

Мазкур тадбирда Касбий психология ва бошқарув фаолияти кафедраси ўқитувчилари Э.Саттаров, И.Махмудов, Ж.Каримовлар, Ёшлар билан ишлаш, маънавият ва маърифат бўлими бошлиғи Б.Баҳромбеков, Ўзбекистон халқаро Ислом академияси доценти Х.Алимов ҳамда Академия бакалавриати талабалари иштирок этишди.

Тадбирда бугунги кунда психология сохасининг ютуқлари, амалиётда юзага келадиган муаммолар ҳамда уларнинг ечимлари юзасидан батафсил тушунтиришлар берилди.  

Бундан ташқари, ҳуқуқни муҳофаза қилиш органлари ходимларининг руҳий ҳолати ва психологларнинг амалий фаолиятида кўп учраётган долзарб масалаларга эътибор қаратилди. Айниқса, ички ишлар органларида профилактика инспекторларининг хизмат фаолиятида кўп учрайдиган психологик тўсиқлар ва муаммолар тўғрисида ҳам тўхталиб ўтилди.

Шунингдек, машғулотда талабаларни янада қизиқтириш ва жалб этиш, уларнинг кайфиятини кўтариш, ўзларини эркин ҳис қилишлари, ўз ҳаяжонларини йўқотишга ва стрессоген вазиятларни бартараф этишга қаратилган масалалар ўрганиб чиқилди. Тадбир якунида талабалар ўзларига қизиқтирган саволларга жавоб олишди.