Диссертация ҳимояси бўлиб ўтди

Ҳуқуқни муҳофаза қилиш академияси ҳузуридаги Илмий кенгашнинг навбатдаги йиғилишида Академия мустақил изланувчиси Т.Б.Сафаровнинг “12.00.07 – Суд ҳокимияти. Прокурор назорати. Ҳуқуқни муҳофаза қилувчи органлар фаолиятини ташкил этиш. Адвокатура” ихтисослиги бўйича “Одил судловни амалга ошириш жараёнида судьяларнинг юридик жавобгарлиги: замонавий ҳолат ва ривожланиш йўналишлари” мавзусида юридик фанлар бўйича фалсафа доктори (PhD) илмий даражасини олиш учун тайёрлаган диссертациясининг ҳимояси бўлиб ўтди.

Мазкур тадқиқот доирасида одил судловни амалга ошириш жараёнида судьяларнинг юридик жавобгарлигини тартибга солувчи халқаро стандартлар, илғор хорижий тажриба ва миллий ҳуқуқий асослар, ҳуқуқни қўллаш амалиёти ва юридик фанда мавжуд бўлган илмий-назарий ёндашувлар, қарашлар ўрганилган.

Диссертацияда халқаро стандартлар ва хорижий давлатларнинг илғор тажрибаси асосида судьяларнинг юридик жавобгарлигига оид миллий қонунчиликни такомиллаштириш бўйича таклифлар илгари сурилган.

Диссертация ҳимояси натижасига кўра, Кенгаш аъзолари томонидан тадқиқотчи юридик фанлар бўйича фалсафа доктори (PhD) илмий даражасини олиш учун лойиқ деб топилди.

Академия жамоаси Т.Б.Сафаровни диссертацияни муваффақиятли ҳимоя қилганлиги билан табриклайди ва келгусидаги илмий ва касбий фаолиятида улкан зафарлар тилайди!