Ўзбекистон Республикаси Ҳуқуқни муҳофаза қилиш академияси бакалавриатига қабул якунланишига 5 кун қолди

Ўзбекистон Республикаси Ҳуқуқни муҳофаза қилиш академиясида 2023/2024 ўқув йили учун “Тергов фаолияти” бакалавриат таълим йўналишига қабул якунланишига 5 кун қолгани маълум қилинади.

Академия бакалавриатида ўқитиш ўзбек ва рус тилларида, давлат грантлари ва тўлов-контракт асосида ташкил этилади. Давлат грантлари асосида ўқишни тамомлаган Академия бакалавриатининг битирувчиларига ваколатли давлат органларида камида уч йил ишлаб бериш мажбурияти юкланади.

Академияга қабул қилишда абитуриентларнинг муайян тоифаларига республиканинг бошқа олий таълим муассасаларига кириш учун қонунчилик ҳужжатларида назарда тутилган имтиёзлар татбиқ этилмайди.

Академиянинг “Тергов фаолияти” йўналиши бўйича битирувчилари ваколатли давлат органларига хизматга қабул қилинганда фақат офицерлар таркибига кирувчи ёки даражали унвон берилиши кўзда тутилган лавозимларга тайинланади.

Номзодлар жорий йилнинг 15 май кунига қадар Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигининг махсус электрон платформасида (https://my.uzbmb.uz/) рўйхатдан ўтадилар.

Ҳуқуқни муҳофаза қилиш академияси бакалавриатига кириш имтиҳонлари билан боғлиқ янгиликлар билан Академиянинг расмий веб-сайти (www.proacademy.uz), ижтимоий тармоқлардаги расмий саҳифалари:  www.facebook.com/ProsecutorAcademy www.instagram.com/proacademyuz/ (https://t.me/ProsecutorAcademy) ҳамда оммавий ахборот воситалари орқали танишиб боришингиз мумкин.

Шунингдек, бакалавриатга кириш билан боғлиқ маълумотларни 71 кодли 202-04-96 телефон рақами орқали ҳам билиб олишингиз мумкин.

БАТАФСИЛ