Фан соати доирасидаги диссертация иши муҳокамаси

Ўзбекистон Республикаси Ҳуқуқни муҳофаза қилиш Академияси таянч докторанти М.Абдуллаева томонидан фан соати доирасида “Халқ таълими соҳасида коррупциянинг олдини олиш масалалари” мавзусидаги диссертация ишининг тақдимоти бўлиб ўтди.

Фан соатида Академия тадқиқотчилари, профессор-ўқитувчилар, ҳамкор ташкилот вакиллари бўлган Ўзбекистон Республикаси Коррупцияга қарши курашиш агентлиги, Тошкент давлат юридик университети, Судьялар олий мактаби, ИИВ Академияси, Инсон ҳуқуқлари бўйича Ўзбекистон Республикаси миллий маркази профессор-ўқитувчилари ва тадқиқотчилари иштирок этишди.

Муҳокама доирасида халқ таълими соҳасида коррупциянинг олдини олиш тушунчаси, мақсад ва вазифалари, халқ таълимида коррупцияга қарши кураш фаолиятининг ҳуқуқий асослари, таълим тизимидаги коррупциянинг турлари ва шакллари таснифи, халқ таълимида маъмурий бошқарув ва меҳнат муносабатлари билан боғлиқ коррупциявий омиллар таҳлили, мактабга қабул қилиш ва ўқув фаолиятини ташкил этишда коррупциявий омиллар таҳлили, халқ таълими тизимида молия-хўжалик фаолиятидаги коррупциявий омиллар таҳлили, халқ таълими соҳасида коррупциянинг олдини олишга оид айрим хорижий давлатлар тажрибаси баён қилинди.

Фан соати доирасида тадқиқотчилар мавзу доирасида ўзларини қизиқтирган саволларга жавоб олишди. Иштирокчилар томонидан бу турдаги тадбирларни самарали эканлигини эътироф этиб, доимий равишда ўтказилиши юзасидан таклиф берилди.