Лавозимга янги тайинланган туман (шаҳар) прокурорлари учун малака ошириш курси якунланди

Ҳуқуқни муҳофаза қилиш акадиясида лавозимга янги тайинланган туман (шаҳар) прокурорлари учун “Прокурор фаолиятини ташкил этишнинг долзарб масалалари” мавзусида малака ошириш курси якунланди.

Курс аралаш таълим форматида ташкил этилиб, унда тингловчилар ишдан ажралмаган ҳолда масофавий таълим олдилар ҳамда олинган билимларни мустаҳкамлаш мақсадида Ҳуқуқни муҳофаза қилиш академиясида кундузги таълим тарзида ўтказилган ўқув машғулотларида иштирок этдилар.

Мазкур курс доирасида Академия профессор-ўқитувчилари томонидан жойлардаги прокуратура органларининг фаолиятини самарали ташкил этиш, коррупцияга қарши курашиш бўйича таъсирчан чора-тадбирлар кўриш, муаммолар ва низоли вазиятларни ҳал этиш, қарорлар қабул қилиш, манфаатлар тўқнашувини олдини олиш ва бошқа долзарб масалаларга оид касбий компентенциялари ва бошқарув кўникмаларини шакллантириш ҳамда ривожлантириш, шунингдек қонунчиликдаги янгиликлар бўйича ўқув машғулотлари ўтказилди.

Малака ошириш курси охирида якуний имтиҳон ўтказилиб, тингловчилар томонидан қонунчиликни такомиллаштириш бўйича ишлаб чиқилган таклифлар муҳокама қилинди.