Коррупцияга қарши курашиш ҳудудий кенгашлар аъзолари учун семинар ташкил этилди

Коррупцияга қарши курашиш миллий кенгаши томонидан тасдиқланган режа-жадвалига асосан Қорақалпоғистон Республикаси, вилоятлар ва Тошкент шаҳар Коррупцияга қарши курашиш ҳудудий кенгашлари аъзолари учун “Ўзбекистон Республикаси қонунчилигида коррупция учун жавобгарлик” мавзусида семинар ўтказилди.

Семинар Академиянинг Коррупцияга қарши курашиш илмий-таълим маркази бошлиғи Х.Турсунбеков томонидан олиб борилди.

Тадбирда иштирок этган 100 нафарга яқин ҳудудий кенгаш аъзоларига коррупциявий ҳуқуқбузарликлар, уларнинг турлари, миллий қонунчиликда ўрнатилган жавобгарлик чоралари, коррупциявий ҳуқуқбузарликларга қарши курашувчи органлар ва уларнинг ваколатлари, мавжуд бўлган ҳуқуқий ва амалий муаммолар ҳамда уларни бартараф қилиш чоралари, бу борада халқаро стандартлар ва илғор хорижий тажрибалар ҳақида тақдимот қилинди.

Интерактив шаклда ўтказилган семинар якунида ҳудудий кенгаш аъзолари коррупцияга қарши курашиш ва уни олдини олиш масалалари бўйича ўзларини қизиқтирган саволларига батафсил жавоб олишди ҳамда бундай мазмундаги семинарларни келгусида ҳам давом эттириш масаласи кўриб чиқилди.