Диссертация ишларига қўйилган талаблар

Ўзбекистон Республикаси Ҳуқуқни муҳофаза қилиш академиясида анъанавий “фан соати” доирасида Академия бошлиғининг ўринбосари, ю.ф.д., профессор М.Мамасиддиқов томонидан “Диссертация ишларига қўйилган талаблар” мавзусида маҳорат дарси ўтказилди.

Тадбирда Академия ва унинг ҳамкорлари – ТДЮУ, Жамоат хавфсизлиги университети, Инсон ҳуқуқлари миллий маркази, Судьялар олий мактаби, Чирчиқ олий танк қўмондонлик-муҳандислик билим юрти, Қуролли кучлар, ИИВ ва ФВВ Академияларининг докторантлари, мустақил изланувчилари ва магистратура тингловчилари қатнашди.

“Фан соати” доирасида ўтказилган ушбу тадбирда илм-фанни ривожлантиришда назария ва амалиётнинг бир-бири билан узвий боғлаш масалалари, илмий тадқиқотнинг мақсад ва вазифаларини шакллантириш, объекти ва предметини белгилаш, унинг методлари бўйича батафсил маълумотлар берилди.

Маърузачи томонидан диссертация ва авторефератни тайёрлаш, уларни расмийлаштиришга қуйиладиган талаблар, тадқиқот натижаларини амалиётган жорий этиш тартиби ва талаблари бўйича батафсил маълумотлар берилди.

Тадбир баҳс-мунозараларга бой тарзда ўтиб, иштирокчилар ўзларининг қизиқтирган саволларига жавоб олдилар.