Ноқонуний молиявий оқимлар ҳажмини баҳолаш бўйича минтақавий вебинарда иштирок этилди

Aкадемия вакиллари БМТ Осиё ва Тинч океани учун иқтисодий ва ижтимоий комиссияси (ЭСКАТО) ҳамда БМТнинг бошқа агентликлари томонидан ноқонуний молиявий оқимлар (НМО) ҳажмини баҳолаш бўйича ташкил этилган вебинарда иштирок этдилар.

Тадбир Осиё-Тинч океани минтақаси мамлакатларида НМО ҳажмини баҳолаш усуллари бўйича ўтказилган синов лойиҳа натижалари билан танишиш, ушбу соҳадаги статистик салоҳиятни ошириш, 2023-2026 йилларга мўлжалланган НМО ҳажмини баҳолаш бўйича янги ишга туширилган лойиҳа доирасида кейинги ҳаракатларни муҳокама қилиш мақсадида ўтказилди.

Вебинарда халқаро экспертлар, ЭСКАТО вакиллари ва НМО ҳажмини ўлчаш учун масъул бўлган миллий экспертлар иштирок этдилар.

Тадбир давомида минтақа мамлакатлари вакиллари НМО ҳажмини ўлчаш бўйича миллий тажриба ва Барқарор ривожланиш мақсадларининг 16.4.1-индикаторини миллий даражада амалга ошириш юзасидан фикр алмашдилар. Aкадемия раҳбари ўринбосари У.Нигмаджонов Ўзбекистонда НМО ҳажмини баҳолашнинг аҳамияти ва уни камайтиришнинг устувор йўналишлари ҳақида маълумот бериб ўтди.