Ўзбекистон Республикаси Ҳуқуқни муҳофаза қилиш академияси бакалавриатининг “Тергов фаолияти” ва “Прокурорлик фаолияти” йўналишлари бўйича тест синовларида иштирок этувчи номзодларга эслатма

Ўзбекистон Республикаси Вазирлар Маҳкамасининг 2023 йил 6 апрелдаги 143-сонли қарори билан тасдиқланган Ўзбекистон Республикаси Ҳуқуқни муҳофаза қилиш академияси бакалавриатига ўқишга қабул қилиш ва ўқитишни ташкил этиш тартиби тўғрисидаги Низом талабларидан келиб чиқиб, 2023/2024 ўқув йилида бакалавриатининг “Тергов фаолияти” ва “Прокурорлик фаолияти” йўналишлари бўйича ўқишга кириш учун онлайн рўйхатдан ўтган номзодлар тест синовларида иштирок этиш учун “Абитуриент рухсатмаси”ни Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигининг (www.uzbmb.uz) сайтига шахсий идентификация рақами ҳамда паспорт серияси ва рақамини киритган ҳолда олишлари керак.

Абитуриентлар тест синовига паспорт (ID-карта) ва абитуриент рухсатномаси билан белгиланган вақтдан кечикмаган ҳолда келишлари лозим.

“Паспорт нусхаси ёки бошқа ҳужжатлар билан келган, шунингдек кечикиб келган абитуриентлар тест синовларига киритилмайди”.