АҚШга ўқув-танишув сафари бўлиб ўтмоқда

“Минтақавий мулоқот” ХННТ билан ҳамкорликдаги “Жиноий фаолиятдан олинган даромадларни легаллаштириш ва терроризмни молиялаштиришга қарши курашиш бўйича мураббийлик ва ўқитиш” лойиҳаси доирасида Бош прокуратура, Ҳуқуқни муҳофаза қилиш Академияси ҳамда Иктисодий жиноятларга қарши курашиш департементи ходимларининг АҚШга ўқув-танишув сафари ташкил этилди.

Мазкур хизмат сафари доирасида делегация вакилларининг АҚШ Давлат департаментининг Терроризмга қарши курашиш бюроси вакиллари билан учрашуви бўлиб ўтди.

Учрашувда жиноий даромадларни легаллаштириш, терроризмни молиялаштиришга қарши курашиш бўйича келгусидаги режалар ва ҳамкорлик йўналишлари муҳокама қилинди.

Хусусан, ҳуқуқни муҳофаза қилувчи органлар ходимларининг малакасини ошириш жараёнига хорижий экспертларни узоқ муддатга жалб қилиш, терроризмни молиялаштириш ва жиноий фаолиятдан олинган даромадларни легаллаштиришга қарши курашиш соҳасидаги юқори малакали мутахассислар доирасини кенгайтириш ва бошқа масалаларда ўзаро ҳамкорлик қилишга келишиб олинди.