Меҳнат ҳуқуқи бўйича амалиётчи мутахассис иштирокидаги маҳорат дарси

Академия томонидан Ўзбекистон Республикаси Камбағалликни қисқартириш ва бандлик вазирлиги ҳамкорлигида бакалавриатнинг Ҳуқуқбузарликлар профилактикаси ва жамоат хавфсизлигини таъминлаш фаолияти 2-курс талабалари учун “Меҳнат шартномаси тушунчаси, меҳнат шартномасини бекор қилиш асослари” мавзусида маҳорат дарси бўлиб ўтди.

Тадбир давомида вазирликнинг Давлат меҳнат инспекцияси Меҳнат бўлими бошлиғи А.Худойназаров томонидан меҳнат  шартномасини тузиш, унга қўйилган талаблар, меҳнат шартносамини бекор қилиш билан боғлиқ бўлган айрим масалалар юзасидан амалий асосланган фикрлар билдириб ўтилди. Шунингдек, давлат ташкилот ва идораларда меҳнат қонунчилигини қўллаш, уни тўғри ва аниқ татбиқ этишда учраётган айрим хатоликлар, бундан ташқари судларда ишга тиклаш билан боғлиқ бўлган ҳолатлар амалий мисоллар орқали ёритиб берилди.

Маҳорат дарси давомида талабалар ўзлари қизиққан саволларга атрофлича жавоб олдилар.