Навбатдаги диссертация ишининг кафедралараро муҳокамаси ўтказилди

Ўзбекистон Республикаси Ҳуқуқни муҳофаза қилиш академияси мустақил изланувчиси Т.Сафаровнинг “12.00.12 – Коррупция муаммолари (юридик фанлар)” ихтисослиги бўйича “Коррупцияга қарши курашиш идоравий механизмларини такомилаштириш (Ўзбекистон Республикаси Адлия вазирлиги мисолида)” мавзусидаги диссертация ишининг кафедралараро муҳокамаси ўтказилди.

Муҳокамада Академия, ТДЮУ ва Қонунчилик ва ҳуқуқий сиёсат институти профессор-ўқитувчилари ва докторантлари, Ўзбекистон Республикаси Коррупцияга қарши курашиш агентлигининг масъул ходимлари иштирок этишди.

Муҳокамада коррупцияга қарши курашишнинг идоравий механизмлари аҳамияти, уларнинг мақсади ва амалга ошириш шакллари, уларни жорий этиш жараёнидаги муаммолар бўйича илмий ва амалий ечимлар, тадқиқот натижалари ҳамда унинг коррупцияга қарши курашишдаги ўрни борасида тақдимот қилинди.

Муҳокамада тадқиқотчи томонидан иштирокчилар томонидан берилган саволларга атрофлича тушунтириш берилди.