Фан соати доирасидаги диссертация тадқиқоти натижалари муҳокамаси

Ўзбекистон Республикаси Ҳуқуқни муҳофаза қилиш академияси мустақил изланувчиси Л.Баракаев томонидан фан соати доирасида “Далилларни тўплаш усули сифатида тафтиш ўтказишнинг процессуал ва криминалистик жиҳатлар” мавзусидаги диссертация ишининг тақдимоти ўтказилди.

Тадбирда Академия, ТДЮУ, Жамоат хавфсизлиги университети, Инсон ҳуқуқлари миллий маркази, Судьялар олий мактаби, ИИВ Академияси ҳамда Давлат ва ҳуқуқ институтининг профессор-ўқитувчилари, докторантлари ва мустақил изланувчилари иштирок этишди.

Тадбир давомида мустақил изланувчи Л.Баракаев томонидан жиноят ишлари бўйича маълумотларни “Электрон жиноят-ҳуқуқий статистика” ягона ахборот тизимига киритиш, тафтиш ҳужжатларини далил тури сифатида ҳисобга олиш, тафтиш ўтказиш муддатини узайтириш ваколатини вилоятлар ва уларга тенглаштирилган прокурорларга бериш, текширилаётган субъект мансабдор шахси ёки унинг вакилининг эътирози асосли бўлганда қайта тафтиш тайинлаш ҳамда тафтиш тайинлаш ва ўтказиш тартибини ўзида акс эттирувчи услубиёт таклиф қилинди.

Шунингдек, иштирокчилар томонидан бу турдаги тадбирларни самарали эканлигини эътироф этиб, доимий равишда ўтказилиши юзасидан таклиф берилди.