Академия томонидан навбатдаги семинар-тренинг ўтказилди

2023 йил 1-3 ноябрь кунлари Ўзбекистон Республикаси Ҳуқуқни муҳофаза қилиш академияси томонидан БМТнинг Гиёҳвандлик ва жиноятчилик бўйича бошқармаси билан ҳамкорликда “Жанговар ҳудудлардан қайтган болалар билан уларнинг руҳий жароҳатини ва ёш хусусиятларини инобатга олган ҳолда муносабат қуриш” мавзусида семинар-тренинг ташкил этилди.

Мазкур тадбирда Ўзбекистон Республикаси тергов органлари ходимлари иштирок этишди.

Семинар-тренинг давомида жанговар ҳудудлардан қайтган ҳамда ўз бошидан мудҳиш кунларни ўтказган оила фарзандлари ва зўравонлик қурбонига айланган, натижада психологик жароҳат олган ёшлар билан муносабат қуриш, улар билан сўров жарёнини ташкил этиш хусусиятлари муҳокама қилинди.

Иштирокчилар жиноят қурбонига айланган болага психологик кўмак бериш борасида билим ва малакаларга эга бўлдилар. Шунингдек, болалар билан самарали мулоқот олиб бориш ва коммуникация ўрнатишга оид қоидаларни ўзлаштирдилар.