Халқимизнинг маънавий қадриятлари, маданияти ва урф-одатларига эътироф

Ўзбекистон Республикаси Бош прокуратураси ва Ҳуқуқни муҳофаза қилиш академияси томонидан прокуратура органлари ходимлари ва талабаларга ҳалқимизнинг маънавий қадриятлари, маданияти ва урф-одатлари, бой меросимизнинг ҳаётимиздаги ўрни ва аҳамиятини ҳамда одоб-ахлоқ, ҳалоллик, поклик, садоқат ва фидойиликни чуқур сингдириш бўйича туркум тадбирлар ташкил этилмоқда.

Шу каби тадбирлар доирасида Академия магистратура босқичи тингловчиларининг Ўзбекистон тарихи музейига ташрифи ташкиллаштирилди.

Ташриф давомида тингловчиларга Ўзбекистоннинг жаҳон цивилизацияси тараққиётига қўшган ҳиссаси, Ўзбекистон ҳудудидаги тарихий маданий жараёнларнинг энг қадимий даврлардан бошлаб ҳозирга қадар бўлган тараққиётини ўзида акс эттирган халқимизнинг бой тарихи  ва ривожи ҳақида батафсил маълумотлар берилди. 

Тадбир сўнгида тингловчилар ўзларини қизиқтирган саволларга батафсил жавоб олдилар.