Ҳуқуқни муҳофаза қилувчи органларда аёлларни ўрнига бағишланган давра суҳбати бўлиб ўтди

Ҳуқуқни муҳофаза қилиш академиясида Ўзбекистон Республикаси Ички ишлар вазирлиги ва Миллий гвардияси тизимларида хизмат қилиб келаётган тажрибали ҳарбий хизматчи ва ходима аёл офицерлар ҳамда Академия бакалавриатининг талаба-қизлари иштирокида “Ҳуқуқни муҳофаза қилувчи органларда аёлларни ўрни” мавзусида давра суҳбати ўтказилди.

Ушбу тадбир талаба-қизларнинг касбий тайёргарлиги бўйича билим, кўникма ва малакаларини шакллантириш ва ривожлантириш, келгуси хизмат фаолиятига тайёрлаш ҳамда хизматга бўлган қизиқишларини орттириш, ўз касбига бўлган иштиёқини ошириш мақсадида ташкиллаштирилди.

Тадбирда сўзга чиққан аёл офицерлар органларда хизмат қилишнинг энг муҳим жиҳатлари, амалга оширилаётган ислоҳотлар, уларнинг фаолиятини такомиллаштириш бўйича қабул қилинган меъёрий-ҳуқуқий ва идоравий ҳужжатлар ижроси ҳақида маълумот беришди, шунингдек нафақат хизмат фаолиятлари давомидаги таассуротлари, балки босиб ўтган ҳаётий тажрибалари билан ўртоқлашдилар. Мулоқот давомида иштирокчилар ўзларини қизиқтирган саволларга жавоб олдилар.