Суд-тергов фаолиятида қонунийликни таъминлаш масалалари бўйича давра суҳбати ўтказилди

Академия томонидан Бош прокуратура вакиллари, Тошкент шаҳар суди судьялари ва Академия талабалари иштирокида “Суд-тергов фаолиятида қонунийликни таъминлаш” мавзусида давра суҳбати ташкил этилди. 

Суҳбат жараёнида талабаларга бугунги кунда мамлакатимизда суд-ҳуқуқ соҳасида амалга оширилаётган ислоҳот ва ўзгаришлар, тергов ва суд амалиётида йўл қўйилаётган камчиликлар, уларга йўл қўймаслик учун амалга оширилиши лозим бўлган ҳаракатлар ҳақида батафсил маълумот берилди.

Тадбир жараёнида талабалар судья ҳамда давлат айбловчисининг жиноят процессидаги ҳуқуқий мақоми ва уларнинг процессуал ваколатлари, суд ҳукми чиқариш жараёнида эътиборга олиниши лозим бўлган ҳолатлар ҳамда бошқа бир қаторда мавзуларда берилган саволларга тўлиқ жавоб олишди.

Тадбир якунида суд ва прокуратура органлари билан талабалар ўртасидаги учрашувларни доимий асосда ташкил этиш келишиб олинди.