Прокуратура органлари терговчилари учун малака ошириш курси ўтказилди

Академияда прокуратура органларининг терговчилари иштирокида “Жиноят ишлари бўйича тергов ҳаракатларини ўтказишда замонавий криминалистик техник воситалардан фойдаланиш самарадорлигини ошириш” мавзусида ўқув курсини ўтказилди.  

Курс дастури доирасида прокуратура органларининг терговчиларида жиноят ишлари бўйича тергов ҳаракатларини ўтказишда замонавий криминалистик техник воситалардан фойдаланиш самарадорлигини ошириш мақсадида ДНК, фонография, суд баллистика, компьютер-техник, портлаш техникаси, мурданинг суд-тиббий экспертизалари имкониятлари, портлаш билан боғлиқ бўлган ҳодиса жойини кўздан кечириш тартиби, экспертиза тергов ҳаракати бўйича махсус ўқув-амалий машғулотлар ўтказилди.

Шунингдек, тингловчилар учун Ҳ.Сулаймонова номидаги Республика суд экспертиза маркази, ИИВ Эксперт-криминалистика бош маркази ва Соғлиқни сақлаш вазирлиги Суд тиббий экспертиза бош бюросида малакали мутахассис ва экспертлар иштирокида сайёр машғулотлар ўтказилди.