Профессор-ўқитувчиларнинг педагогик маҳоратини ошириш бўйича навбатдаги семинар-тренинг

Ҳуқуқни муҳофаза қилиш академияси профессор-ўқитувчиларининг педагогик маҳоратини ошириш, таълим жараёнига инновацион технологиялар ва методикаларни жорий этиш борасидаги тизимли ишлар доирасида Академияда Халқаро Нордик университетининг Педагогика кафедраси доценти, филология фанлари бўйича фалсафа доктори (PhD) С.Х.Шомуродова иштирокида “Педагогнинг коммуникатив қобилиятларини ривожлантириш техникаси” мавзусида навбатдаги семинар-тренинг ташкил этилди.

Семинар-тренингда олий таълим муассасалари ўқув жараёнида талаба ва тингловчиларнинг фаол таълим олишларини таъминлашда ўқитувчининг коммуникативлик компетенциясининг аҳамияти, турлари, қоидалари, коммуникатив компетентлик тушунчаси, ўзига хос хусусиятлари ҳамда уни ривожлантириш техникаси ҳақида батафсил маълумот берилди.

Шунингдек, педагогнинг коммуникатив компетентлигини ривожлантириш усуллари бўйича амалий машқлар бажарилди.

Семинар-тренинг сўнгида мавзу юзасидан савол-жавоб ўтказилиб, иштирокчиларни қизиқтирган саволларига батафсил жавоб берилди.