“Инсон ҳуқуқлари билимдони” кўрик танлови ўтказилиши ҳақида

Ўзбекистон Республикаси Президентининг 2023 йил 12 майдаги “Инсон ҳуқуқлари умумжаҳон декларацияси қабул қилинганлигининг 75 йиллигини кенг нишонлаш тўғрисида”ги ПФ–70-сонли фармони билан Олий таълим муассасаларида талабалар ўртасида “Инсон ҳуқуқлари билимдони” кўрик танловини ташкил этиш вазифаси белгиланган ва танловнинг намунавий низоми ишлаб чиқилган. Мазкур низомга кўра кўрик танлов бакалавриат ва магистратура талабалари ўртасида қуйидаги йўналишларда ўтказилади:

“Энг яхши инсон ҳуқуқлари билимдони”;

“Энг яхши инсон ҳуқуқлари универсал шартномалари билимдони”;

“Энг яхши инсон ҳуқуқлари соҳасидаги қонунчилик таклифлари”;

“Энг яхши инновацион ғоя муаллифи”.

Бунда номинациялар ғолибларини аниқлаш қуйидаги шаклда ўтказилади:

1. Кўрик танловнинг “Энг яхши инсон ҳуқуқлари билимдони” номинациясини 50 та саволдан иборат тест синовлари шаклида тасдиқланади ва ҳар бир тўғри жавоб 2 балдан баҳоланади.

2. Кўрик танловнинг “Энг яхши инсон ҳуқуқлари универсал шартномалари билимдони” номинацияси 30 та саволдан иборат тест синовлари ва ёзма иншо (эссе) шаклда жорий этилади.

3. Кўрик танловнинг “Энг яхши инсон ҳуқуқлари соҳасидаги қонунчилик таклифлари” номинацияси MS PowerPoint программаси орқали призентация шаклида ҳамда ёзма иншо (эссе) шаклида қабул қилинади.

4. Кўрик танловнинг “Энг яхши инновцион ғоя муаллифи” номинацияси аҳолига қулайлик яратиш йўналишида яратилган ғоялар асосида ўтказилиб, танлов ҳайъати томонидан баҳоланади.

Мазкур танловда иштирок этиш истагини билдирган академия талабалари жорий йилнинг 10 декабрига қадар бакалавриат ва магистратура факультетларига ариза билан мурожаат этишлари мумкин.