Малайзия коррупцияга қарши курашиш академияси (МАСА) билан ҳамкорликни мустаҳкамлаш

Академияда Академия раҳбариятининг Малайзия коррупцияга қарши курашиш академияси раҳбарияти билан учрашуви ўтказилди.

Тадбирда Бош прокурор ўринбосари, Академия бошлиғи в.в.б. С.Самадов, Академия раҳбарининг биринчи ўринбосари Е.Коленко, Малайзия коррупцияга қарши курашиш академияси директори Идрис бин Захарудин, Малайзия коррупцияга қарши курашиш академияси бўлим бошлиғи Камарул бин Мосман  иштирок этишди.

Меҳмонлар Академия фаолиятининг асосий йўналишлари, ҳуқуқни муҳофаза қилиш органлари ходимларини тайёрлаш, қайта тайёрлаш ва малакасини оширишнинг сифат жиҳатидан янги тизимини жорий этиш ишлари, ўқув жараёнини ташкил этишдаги янгича ёндашув ва методлар, шунингдек криминалистик полигон, киберлаборатория ва бошқа махсус ўқув хоналари билан яқиндан танишдилар.

Ўз навбатида хорижий меҳмонлар томонидан Малайзия коррупцияга қарши курашиш академияси фаолияти, тузилмаси, илмий салоҳияти ва дастури ҳақида маълумот берилди.

Академия раҳбарияти МАСА директорига Академиянинг бир йиллиги муносабати билан ўтказилган халқаро илмий-амалий конференцияда юқори профессионал савияда фаол иштирок этгани ҳамда коррупцияга қарши кураши соҳасида узоқ муддатли ва самарали ҳамкорлиги учун ўз миннатдорчилигини билдирди. 

Учрашувда томонлар амалга оширилаётган лойиҳаларнинг ҳолати, шунингдек ҳамкорликнинг янги ва истиқболли йўналишларини муҳокама қилишди.