Тезкор-қидирув фаолиятини самарали ташкил этиш – жиноятчиликка қарши курашишда ҳал қилувчи омил

Ҳуқуқни муҳофаза қилиш академиясида “Суриштирув ва тергов жараёнида тезкор-қидирув фаолияти натижаларидан фойдаланиш масалалари” мавзусида давра суҳбати ташкил этилди.

Давра суҳбатида Ўзбекистон Республикаси ИИВ Академияси, ДХХ академияси, Божхона институти, Ҳуқуқни муҳофаза қилиш академияси профессор-ўқитувчилари, ИИВ Илмий-амалий тадқиқотлар марказининг илмий ходимлари, Бош прокуратура ҳузуридаги Мажбурий ижро бюроси ва Иқтисодий жиноятларга қарши курашиш департаментининг тезкор бўлинмалари ходимлари иштирок этишди.

Давра суҳбатида суриштирув ва тергов жараёнида тезкор-қидирув фаолияти натижаларидан фойдаланишда юзага келаётган айрим муаммолар ва уларни ҳал қилиш, тезкор-қидирув фаолияти қонунчилигини янада такомиллаштириш, тезкор бўлинмалар ҳамда суриштирув ва тергов органлари ўзаро ҳамкорлигини янада такомиллаштириш, иқтисодий жиноятларга қарши курашиш бўйича прокуратура органлари тезкор бўлинма ходимларини қайта тайёрлаш ва малакасини оширишга мўлжалланган ўқув машғулотлари самарадорлигини ошириш борасида фикр алмашилди.