Ватанпарварлик тадбири ўтказилди

Академия талабаларини ватанпарварлик руҳида тарбиялаш, Ватанга бўлган муҳаббат туйғусини шакллантириш, мамлакатимизда олиб борилаётган кенг кўламли сиёсий, иқтисодий ва бошқа жараёнларга даҳлдорлик туйғуларини ривожлантириш, уларни касбий тайёргарлиги бўйича билим ва кўникмаларини мустаҳкамлаш ҳамда келгуси хизмат фаолиятига тайёрлаш мақсадида “Ким ватанга содиқ бўлса, мендирман ўша” шиори остида ватанпарварлик тадбири ўтказилди.

Тадбирнинг очилишида Миллий гвардиянинг алоҳида намунали ҳарбий оркестри ва фахрий қоровул бўлинмаси ўзларининг ватанпарварлик туйғуларини билан чорловчи садо ва кўргазмали чиқишларини иштирокчилар эътиборига намойиш этдилар.

Асосий ва амалий қисмида эса бугунги кунда Ички ишлар вазирлиги ва Миллий гвардиянинг бўлинмаларида мавжуд замонавий қурол-аслаҳаларнинг, шунингдек, тергов ва суриштирув фаолиятида қўлланиладиган криминалистика техника ва воситаларининг кўргазмаси ташкиллаштирилди.

Талабалар ҳар бир қурол-аслаҳа, махсус техника ва воситаларнинг вазифалари, уларнинг тактик-техник тавсифлари, қисм ва механизмларининг ишлаш принциплари билан тўғридан-тўғри танишдилар ҳамда узларини қизиқтирган саволларига мутахассислардан жавоблар олдилар.