“Фан соати” доирасида диссертация ишлари муҳокамаси

Ўзбекистон Республикаси Ҳуқуқни муҳофаза қилиш академияси мустақил изланувчилари А.Шариповнинг “Хусусий мулк хуқуқининг дахлсизлигини таъминлаш муаммолари” мавзусидаги ҳамда А.Адҳамовнинг “Маънавий зарарни ундириш тўғрисидаги ишларни судда кўришнинг процессуал хусусиятлари” мавзусидаги диссертация ишларининг анъанавий “Фан соати” доирасидаги тақдимоти ўтказилди.

Тадбирда Академия профессор-ўқитувчилари, тадқиқотчилари, шунингдек Ўзбекистон Республикаси Фанлар aкадемияси Давлат ва ҳуқуқ институти, Ўзбекистон Республикаси Судьялар олий кенгаши ҳузуридаги Судьялар олий мактаби, Тошкент давлат юридик университети, Инсон ҳуқуқлари миллий маркази, Юристлар малакасини ошириш маркази каби ҳамкор ташкилотлар вакиллари иштирок этишди.

Муҳокамалар жараёнида хусусий мулк ҳуқуқининг дахлсизлигини таъминлаш ва маънавий зарарни ундириш тартибини такомиллаштириш соҳасидаги долзарб масалалар кўриб чиқилди.

Тадбир доирасида тадқиқотчилар мавзу доирасида ўзларини қизиқтирган саволларга жавоб олишди.