Бош прокуратура ҳузуридаги Иқтисодий жиноятларга қарши курашиш департаменти суриштирувчи ва терговчилари иштирокида малака ошириш курси бошланди  

Ҳуқуқни муҳофаза қилиш академиясида Бош прокуртаруа ҳузуридаги Иқтисодий жиноятларга қарши курашиш департаменти суриштирувчи ва терговчилари иштирокида “Суриштирув ва дастлабки тергов жараёнларини олиб боришнинг процессуал механизмларини таъминлаш масалалари” мавзусидаги малака ошириш курси бошланди.

Дастурга асосан Ўзбекистон Республикаси Президенти Ш.Мирзиёев томонидан мамлакатимизда амалга оширилаётган кенг қамровли ислоҳотлар жараёнида қонун устуворлигини таъминлаш ва қонунийликни мустаҳкамлашда прокуратура органлари олдига қўйилаётган вазифаларнинг мазмун-моҳияти, Департамент органлари томонидан суриштирув ва тергов  ҳаракатларини олиб боришда процессуал қонунчилика риоя қилиш масалалари ҳамда соҳадаги ҳуқуқбузарликларни олдини олиш ва бартараф этишга қаратилган маъруза ва амалий машғулотлар ўтказилиши назарда тутилган.

Академияда ташкил этилган машғулотлар доирасида интерактив, муаммоли вазиятлар ўқув методларни ҳамда ахборот-коммкуникацион технологиялар ва замонавий педагогик технологияларни қўллаган ҳолда маъруза ва амалий машғулотларни ўтказиш назарда тутилган.     

Малака ошириш курси давомида тингловчилар ўзларининг амалий фаолиятларида келиб чиқаётган муаммоли вазиятларни таҳлил қилиб, Академия профессор-ўқитувчилари томонидан тегишли касбий ҳуқуқий тушунтиришлар олишади.

Курснинг амалий аҳамияти бу тингловчиларнинг кичик гуруҳларда ишлаш орқали иш фаолиятида тизимли равишда юзага келаётган муаммоларни таҳлил қилиш ва умумлаштириш ҳамда уларни бартараф қилиш юзасидан ривожланган хорижий мамлакатлар ва ижобий иш тажрибаларини инобатга ҳолда таклифлар чиқишдир.