Илмий тадқиқотлар методологиясига бағишланган семинар-тренинг

Ўзбекистон Республикаси Ҳуқуқни муҳофаза қилиш академияси томонидан магистратура дастурининг “Илмий тадқиқотлар методологияси” модули доирасида семинар-тренинг ўтказилди.

Семинар-тренингда Ўзбекистон Республикаси Олий аттестация комиссияси экспертлар кенгаши аъзоси, Тошкент менежмент ва иқтисодиёт институти профессори, ф.ф.д. О.Нишонова иштирок этди.

Тренингда тингловчилар бугунги кундаги магистрлик диссертациясига қўйилаётган талаблар, магистрлик диссертацияси мавзусини танлаш, расмийлаштириш, шунингдек, магистрлик диссертацияси мавзусининг асосланиши ва унинг долзарблиги, тадқиқот объекти ва предмети, тадқиқот мақсади ва вазифалари, илмий янгилиги каби масалалар юзасидан маълумотга эга бўлишди.

Шу билан бирга тадқиқотнинг асосий масалалари ва фаразлари, тадқиқот мавзуси бўйича адабиётлар шарҳи (таҳлили), тадқиқотда қўлланилган методиканинг тавсифи, тадқиқот натижаларининг назарий ва амалий аҳамияти, магистрлик диссертациясининг асосий қисми, боблар ҳажми, уларнинг ўзаро мутаносиб бўлиши, хулоса ва таклиф-тавсиялар бериш тартиби бўйича тўлиқ маълумотлар бериб ўтилди.

Семинар-тренинг давомида иштирокчилар илмий тадқиқот олиб бориш борасида ўзларини қизиқтирган саволларга жавоб олдилар.