Талабаларнинг Ўзбекистон Либерал-демократик партиясига ташрифи

Ёшларнинг сиёсий маданиятини юксалтириш, уларнинг жараёнлардан хабардорлигини ошириш мақсадида Академия талабаларининг Ўзбекистон Либерал демократик партияси (ЎзЛиДеП) Сиёсий Кенгаши ижроия қўмитасига ташрифи ташкил этилди.

Тадбир давомида ЎзЛиДеП вакиллари партиянинг ёшлар сиёсати, иқтисодий ислоҳотлар, таълим ва соғлиқни сақлаш тизимларидаги устувор йўналишлари, шунингдек, ёшларнинг сиёсий жараёнлардаги иштирокини фаоллаштириш бўйича режалари ҳақида гапиришди.

Талабалар ўзларининг фикр ва ғояларини эркин ифода этиш, шунингдек, мамлакатимизнинг келажаги учун муҳим бўлган сиёсий масалаларда иштирок этиш имкониятига эга бўлдилар.

Учрашувда айтилганлардан келиб чиқиб, ЎзЛиДеП ёшлар ўртасида сиёсий онгни шакллантириш, уларни жамиятда фаол иштирок этишга ундаш ва ўзларининг сиёсий ҳуқуқ ва мажбуриятларини англашларини таъминлаш мақсадида турли ташаббусларни илгари суришда давом этишини таъкидлади.

Бу каби учрашувлар ёшлар учун нафақат билим олиш, балки ўзларининг сиёсий ва ижтимоий фаолиятларини амалга ошириш учун муҳим платформа ҳисобланади. Академия талабалари ўзларининг сиёсий билимларини оширдилар ва Ўзбекистоннинг ижтимоий-сиёсий ҳаётида фаол иштирок этишга бўлган ишончларини мустаҳкамладилар.