Академия таянч докторант ва мустақил изланувчилари учун навбатдаги малакавий имтиҳони ўтказилди

Ҳуқуқни муҳофаза қилиш Академиясида таянч докторантлар ва мустақил изланувчилар учун ихтисослик ва чет тили бўйича малакавий имтиҳон ўтказилди.

Имтиҳон Ҳуқуқни муҳофаза қилиш академияси, Инсон ҳуқуқлари бўйича миллий маркази, Олий Мажлиснинг Бола ҳуқуқлари бўйича вакили (Омбудсман), Коррупцияга қарши курашиш агентлиги,  Судьялар олий кенгаши хузуридаги Судьялар олий мактаби, Олий Мажлис Қонунчилик палатаси ҳузуридаги Парламент тадқиқотлари институти,  Жамоат хавфсизлиги университети, Ички ишлар вазирлиги Академияси, Тошкент давлат юридик университети, Ўзбекистон давлат жаҳон тиллари университетининг олим ҳамда профессорларидан иборат таркибда тузилган комиссия томонидан олиб борилди.

Имтиҳонда таянч докторант ва мустақил изланувчиларнинг махсус фанлар ва чет тилини билиш даражаси ҳамда изланувчилар томонидан олиб бораётган диссертация мавзуси доирасида мавжуд илмий муаммолар ва уларнинг ечимлари хусусида берилган саволларга жавоблар олинди.

Малакавий имтиҳонни муваффақиятли топширган тадқиқотчиларга гувоҳномалар берилди.