“Спорт – соғлик гарови” шиори остида учрашув ўтказилди

Ҳуқуқни муҳофаза қилиш академиясида талабалар ва тингловчиларнинг спортга бўлган қизиқишини юксалтириш, соғлом турмуш тарзини кенг татбиқ этиш, жисмоний тарбия ва спортни ривожлантириш мақсадида машҳур спортчилар иштирокида “Спорт – соғлик гарови” шиори остида учрашув ўтказилди.

Тадбирда Ўзбекистон Республикаси Мудофаа вазирлигининг ҳарбий хизматчилари: бокс бўйича халқаро тоифадаги спорт устаси, Жаҳон чемпионатининг совриндори, Осиё чемпиони Мадияр Саидрахимов ва бокс бўйича халқаро тоифадаги спорт устаси, ҳарбийлар ўртасида Жаҳон чемпиони, Осиё ўйинлари совриндори Шунқор Абдурасулов иштирок этдилар.

Учрашув давомида спортчилар ўзларининг босиб ўтган машаққатли йўллари, эришган ютуқлари, хизмат фаолияти ва спорт соҳасини уйғунликда олиб бориш, спорт ва жисмоний тарбияни инсон ҳаёти ва ҳар қандай соҳадаги ўрни ва аҳамияти ҳақида ўртоқлашдилар. Тадбир илиқ ва кўтаринки руҳда ўтди, талаба ва тингловчилар ўзларини қизиқтирган барча саволларига етарлича жавоб олдилар.

Ўйлаймизки, бу каби тадбирлар талаба ва тингловчиларимизда спортга ва жисмоний тарбияга, соғлом турмуш тарзига бўлган қизиқишларини янада оширади ва келгусидаги хизмат фаолиятларида ўз ижобий аксини топади.