Қўшма лойиҳа доирасида АҚШ Давлат департаменти вакилларининг Академияга ташрифи

АҚШ Давлат департаментининг Ҳуқуқни муҳофаза қилиш академиясига навбатдаги ташрифи амалга оширилди. Делегация  таркибида АҚШ Давлат департаменти теророризмга қарши курашиш дастурлари раҳбари Г.Мейсон, АҚШнинг Тожикистондаги элчихонаси ҳуқуқни муҳофаза қилувчи органлар бўйича вакили С.Леттич, “Минтақавий мулоқот” ХННТ директори М.Север ҳамда Академияга жалб қилинган эксперт Р.Джойс иштирок этишди.

Учрашув давомида томонлар “Минтақавий мулоқот” ХННТ ва АҚШ Давлат департаментининг Терроризмга қарши кураш бюроси билан ҳамкорликдаги жиноий фаолиятдан олинган даромадларни легаллаштириш ва терроризмни молиялаштиришга қарши курашиш соҳасида мураббийлик ва ўқитиш бўйича қўшма лойиҳани амалга ошириш масалаларини муҳокама қилдилар.

Шунингдек томонлар келгусида ҳуқуқни муҳофаза қилувчи органлар ходимлари учун АҚШлик экспертлар иштирокида махсус малака ошириш ўқув курслари, дастурларни ташкил этиш ҳамда ўқув модулларини хорижий амалиёт асосида такомиллаштириш юзасидан фикр алмашдилар.

Ташриф давомида хорижий мехмонлар Академиянинг янги ўқув биноси ва инфратузилмаси билан яқиндан танишдилар.