Профессор-ўқитувчиларнинг педагогик маҳоратини ошириш бўйича навбатдаги семинар-тренинг

Ҳуқуқни муҳофаза қилиш академиясида профессор-ўқитувчиларнинг педагогик маҳоратини ошириш, таълим жараёнига инновацион технологиялар ва методикаларни жорий этишга қаратилган тизимли фаолият олиб борилмоқда.

Мазкур фаолият доирасида Академияда Низомий номидаги Тошкент давлат педагогика университети профессори, п.ф.д. М.Х.Байбаева иштирокида “Инновацион ёндошув асосида педагогик маҳоратни амалга ошириш имкониятлари” мавзусида навбатдаги семинар-тренинг ташкил этилди.

Семинар-тренингда педагогик маҳоратнинг намоён бўлиш шакллари ва унинг таркибий қисмлари, олий таълим муассасалари профессор-ўқитувчиларининг педагогик маҳоратини ошириш усуллари ва замонавий талаблар, замонавий ўқитувчининг имиджи ва унинг маънавий қиёфасини белгиловчи фазилатлар интерактив методларни қўллаган ҳолда батафсил ёритиб берилди.

Семинар-тренинг сўнгида мавзу юзасидан иштирокчиларни қизиқтирган саволларга батафсил жавоб берилди.