Академияда Наврўз умумхалқ байрами нишонланди

Академияда таълим, илмий-таҳлилий фаолият билан бир қаторда тизимли равишда маънавий-маърифий ишлар амалга оширилиб, ёшларнинг бўш вақтини мазмунли ташкил қилиш, ёшларда Ватанга ва халқига муҳаббат ва садоқат, миллий қадрият ва анъаналарга ҳурмат, саховат ва мурувват каби фазилатларни ривожлантиришга қаратилган тадбирлар ташкил этиб келинмоқда.

«Олам нурга тўлсин сен билан, Наврўз!» деган бош ғоя асосида Академияда Бирлашган Миллатлар Ташкилоти томонидан эзгулик ва тараққиётга хизмат қилаётган халқаро байрам сифатида эътироф этилган Навруз умумхалқ байрамига бағишланган тадбир бўлиб ўтди.

Академиянинг раҳбарияти, ходимлари ва талабалари кўтаринки руҳда байрам тадбири – сайлда иштирок этиб, талабалар томонидан намойиш этилган бадиий дастур, ҳаваскор талабалар чиқишларидан баҳраманд бўлдилар.

Байрам тадбири давомида ўқитувчилар ва талабалар томонидан сумалак тайёрланиб, унинг атрофида шеърхонлик танлови ўтказилди ҳамда миллий рақслар ва миллий либослар намойиши ташкил этилди.