Академияда диссертация ҳимояси бўлиб ўтди

Ўзбекистон Республикаси Ҳуқуқни муҳофаза қилиш академияси ҳузуридаги Илмий кенгашнинг навбатдаги йиғилишида Академия мустақил изланувчиси А.О.Ҳамидовнинг “12.00.07 – Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура” ихтисослиги бўйича “Суд қарорлари ижросини таъминлашнинг ташкилий-ҳуқуқий асосларини янада такомиллаштириш масалалари” мавзусида юридик фанлар бўйича фалсафа доктори (PhD) илмий даражасини олиш учун тайёрлаган диссертациясининг ҳимояси бўлиб ўтди.

Тадқиқот доирасида ижро ишини юритиш ҳуқуқининг ҳуқуқ тизимида тутган ўрни ўрганиб, таҳлил қилинди, ижро ишини юритиш тўғрисидаги кодекс лойиҳасининг ташкилий-тузилиши ишлаб чиқилди, суд қарорлари ижросини ташкил этишда замонавий ахборот технологияларини қўллаш билан илғор хорижий тажриба ўрганилиб, миллий қонунчилик ҳамда ҳуқуқни қўллаш амалиётини такомиллаштиришга қаратилган таклифлар илгари сурилган.

Диссертация ҳимояси натижасига кўра, Кенгаш аъзолари томонидан тадқиқотчи юридик фанлар бўйича фалсафа доктори (PhD) илмий даражасини олиш учун лойиқ деб топилди.

Академия жамоаси Азизбек Ҳамидовни диссертацияни муваффақиятли ҳимоя қилганлиги билан табриклайди ва келгусидаги илмий ва касбий фаолиятида улкан зафарлар тилайди!