Вояга етмаганлар иштирокидаги жиноятларни тергов қилиш масалаларига оид семинар-тренинг ўтказилди

Ҳуқуқни муҳофаза қилиш академияси томонидан Бирлашган Миллатлар Ташкилотининг болалар жамғармаси (ЮНИСЕФ) ваколатхонаси билан ҳамкорликда ички ишлар органлари терговчилари ва Академия ўқитувчилари учун «Вояга етмаган жабрланувчи ва гувоҳлар иштирокидаги жиноят ишларини тергов қилиш” мавзусида семинар-тренинг ташкил этилди.

Тадбир ўтказилишидан мақсад замонавий халқаро ёндашувлар асосида вояга етмаган жабрланувчи ва гувоҳлар иштирокидаги жиноятларни тергов қилиш бўйича мутахассисларнинг билимлари ва амалий кўникмаларини оширишдан иборат.

Ўқув семинарида вояга етмаганларнинг, шу жумладан, ахборот-коммуникация технологияларидан фойдаланган ҳолда содир этилган шахсларнинг жинсий дахлсизлиги ва эркинлигига қарши жиноий ишларни тергов қилиш, вояга етмаганлар билан тергов ва суриштирув ишлари, вояга етмаган жабрланувчи ва гувоҳларнинг ҳуқуқлари, болаларнинг ёш психологиясининг ўзига хос хусусиятлари,  вояга етмаганларга қарши жиноятларни тергов қилишда очиқ маълумотлар (манбалар), ижтимоий тармоқлардан фойдаланиш ва бошқа муҳим мавзулар муҳокама қилинди.

Ушбу семинар-тренинг Ҳуқуқни муҳофаза қилиш академиясида вояга етмаганларга нисбатан жиноий ҳуқуқбузарликларни тергов қилиш соҳасида алоҳида ўқув курсини жорий этиш учун асос бўлиб хизмат қилади.