Навбатдаги диссертация ҳимояси бўлиб ўтди

Ўзбекистон Республикаси Ҳуқуқни муҳофаза қилиш академияси ҳузуридаги Илмий кенгаш йиғилишида Академия мустақил изланувчиси Р.Х.Рахимовнинг “12.00.09 – Жиноят процесси. Криминалистика, тезкор-қидирув ҳуқуқ ва суд экспертизаси” ихтисослиги бўйича “Жиноий фаолиятдан олинган даромадларни легаллаштириш бўйича молиявий тергов ўтказишнинг назарий ва амалий муаммолари” мавзусида юридик фанлар бўйича фалсафа доктори (PhD) илмий даражасини олиш учун тайёрлаган диссертациясининг ҳимояси бўлиб ўтди.

Тадқиқот доирасида жиноий фаолиятдан олинган даромадларни легаллаштириш бўйича параллел молиявий тергов ўтказишнинг ҳуқуқни муҳофаза қилувчи органлар фаолиятида тутган ўрни ўрганилиб, таҳлил қилинди, параллел молиявий тергов ўтказишни алоҳида институт сифатида жиноят-процессуал қонунчилигига жорий этиш тўғрисидаги қонун лойиҳаси ишлаб чиқилди, параллел молиявий тергов ўтказишда илғор хорижий тажриба ўрганилиб, миллий қонунчилик ҳамда ҳуқуқни қўллаш амалиётини такомиллаштиришга қаратилган таклифлар илгари сурилган.

Диссертация ҳимояси натижасига кўра, Кенгаш аъзолари томонидан тадқиқотчи юридик фанлар бўйича фалсафа доктори (PhD) илмий даражасини олиш учун лойиқ деб топилди.

Академия жамоаси Рустамжон Рахимовни диссертацияни муваффақиятли ҳимоя қилганлиги билан табриклайди ва келгусидаги илмий ва касбий фаолиятида улкан зафарлар тилайди!