Академия талабалари киберспорт турнирида иштирок этишди

Академия талабалари “Зиё Форум” Илм-фан ва таълим-тарбияни ривожлантириш Халқаро Фонди томонидан Олий таълим муассасалари талабалари ўртасида киберспортнинг “CS:2” йўналиши бўйича ташкил этилган мусобақада иштирок этишди.

Мазкур мусобақа 100 дан ортиқ жамоаларнинг иштироки билан ўтказилиб, унда ҳар бир учрашув қизғин ва муросасиз кечди. Мамлакатимизнинг барча ҳудудларидан келган иштирокчилар ўзларининг тезкор қарор қабул қилиш маҳоратлари ва жамоавий ишлаш кўникмаларини намойиш этдилар.

Академия жамоаси ушбу мусобақага тайёргарлик жараёнида ўз стратегиясини ишлаб чиқиш ва ўзаро ҳамкорлик қилиш бўйича зарур тажрибаларга эга бўлди. Бу тажрибалар, мусобақа давомида кўплаб рақиблар устидан ғалаба қозонишга имкон берди. Ўйинларнинг ҳар бирида, Академия жамоаси ўзларининг тактик ёндашувлари, тезкор ҳаракатлари ва ўйин ичида мослашувчанлиги билан ажралиб турди.

Мусобақа, нафақат иштирокчиларда балки томошабинларда ҳам катта таассурот қолдирди. Жанговор руҳ ва мусобақанинг юқори даражадаги ташкил этилиши, киберспорт соҳасининг ўсиши ва ривожланишига хизмат қилди.

Академия жамоасининг муваффақиятли иштироки, талабалар ўртасида катта фахр туйғусини уйғотди ва келажакда бу соҳада янада юқори марраларни забт этиш учун илҳом берди.