Академия Кенгашининг навбатдаги мажлиси ўтказилди

Ҳуқуқни муҳофаза қилиш академияси Кенгашининг навбатдаги мажлиси бўлиб ўтди.

Мажлисда 2023/2024 ўқув йили учун Академияда таълимнинг кредит-модуль тизимида ўқитишнинг бир кредит қиймати миқдори белгиланди.

Шунингдек, мажлисда Академияда амалга оширилиши таклиф этилаётган грант лойиҳалари, Академия профессор-ўқитувчилари томонидан тайёрланган монография, дарслик ва ўқув-услубий қўлланмалар лойиҳалари, мустақил изланувчиларнинг диссертация мавзуларига тегишли ўзгартириш ва қўшимчалар киритиш ва бошқа муҳим масалалар муҳокама қилинди.

Шу билан бирга, Академия бошлиғи буйруғи билан лавозимга янги тайинланадиган ходимлар “Аттестацияни ўтказиш тартиби тўғрисида”ги низом талаблари асосида аттестациядан ўтказилиб, улар эгаллаб турган лавозимларига лойиқ деб топилдилар.

Мажлис кун тартибидаги барча масалалар бўйича тегишли қарорлар қабул қилинди.