Талаба ёшларда экстремизм ва терроризмга муросасиз муносабатни шакллантиришга қаратилган тадбирлар

Ҳуқуқни муҳофаза қилиш академиясида талабалар ва тингловчиларда ҳушёрлик ва огоҳлик каби туйғуларни мустаҳкамлаш, уларда экстремизм ва бошқа салбий иллатларга нисбатан муросасиз муносабатни кучайтириш мақсадида масъул мутахассислар иштирокида давра суҳбати ташкил этилди.

Мазкур давра суҳбатида Ички ишлар вазирлиги Терроризм ва экстремизмга қарши курашиш Бош бошқармаси бошлиғи ўринбосари Х.Жамолов ва Ўзбекистон Республикаси Адлия вазирлиги Нодавлат таълим муассасалари ассоциацияси раиси Н.Абулхасан ўз маърузалари билан иштирок этишди.

Маърузаларда экспертлар мамлакатимизда ёш авлодни она Ватанга муҳаббат, миллий ва умуминсоний қадриятларга ҳурмат-эҳтиром руҳида тарбиялашнинг, ёшларни маънавиятга ёт, зарарли ғоялар таъсиридан ҳимоялашнинг аҳамияти, глобаллашув жараёнларида оммавий коммуникация технологиялари ҳамда интернет тармоқлари фойдаланувчилари орасида ёшларнинг тобора ортиб бораётган бир шароитда ҳар бир ёшнинг янада ҳушёр ва огоҳ бўлишини тақозо этиши борасида фикр билдиришди.

Давра суҳбати якунида талабалар ўзларини қизиқтирган саволларга мутахассислардан жавоб олдилар.

Идоралараро ҳамкорлик асосида етакчи экспертларни жалб қилган ҳолда шу каби тадбирлар мунтазам равишда ташкиб этиб борилади.