Чемпион билан учрашув

Ҳуқуқни муҳофаза қилиш академиясида талаба ва тингловчиларнинг спортга бўлган қизиқишини юксалтириш, соғлом турмуш тарзини кенг татбиқ этиш, жисмоний тарбия ва спортни ривожлантириш мақсадида машҳур спортчилар иштирокида учрашувлар ўтказилиши давом эттирилмоқда.

Навбатдаги тадбир меҳмони Ички ишлар вазирлигининг ходими, Жаҳон чемпионати совриндори, Осиё ўйинлари ғолиби ва супер ўрта вазин WBA камари соҳиби майор Мадримов Исроил Модрахимович бўлди.

Учрашув давомида спортчи талабалар билан ўзининг босиб ўтган машаққатли йўллари, эришган ютуқлари, хизмат фаолияти ва спорт соҳасини уйғунликда олиб бориш, спорт ва жисмоний тарбияни инсон ҳаёти ва ҳар қандай соҳадаги ўрни ва аҳамияти борасида маълумотлари билан ўртоқлашди.

Тадбир илиқ ва кўтаринки руҳда ўтди, талабалар ўзларини қизиқтирган барча саволларига етарлича жавоб олдилар.