Коррупцияга қарши курашиш тажрибаси билан алмашиш бўйича хорижий сафар

Европа комиссиясининг TAIEX INTRA лойиҳаси доирасида Ҳуқуқни муҳофаза қилиш академияси бошлиғининг ўринбосари Д.Тураханов бошчилигидаги Бош прокуратура делегацияси Руминиянинг коррупцияга қарши курашишга масъул бўлган ҳуқуқни муҳофаза қилувчи органларига танишув ташрифи ўтказилмоқда.

Ташрифнинг биринчи куни Руминиянинг коррупцига қарши курашиш директорати (DGA) Бош директори ўринбосари, полиция бошлиғи – комиссар Мануэл-Элен Попеск хоним билан учрашув бўлиб ўтди. Унда комиссар хоним Директорат фаолияти, унинг тузилиши, асосий функциялари ва вазифалар ҳақида маълумот берди.

Шунингдек, DGA томонидан коррупциянинг олдини олиш соҳасида олиб борилаётган тадқиқот фаолияти батафсил очиб берилди.

Ўз навбатида, Ўзбекистон делегацияси раҳбари томонидан Ўзбекистон Республикасида коррупцияга қарши курашиш соҳасида амалга оширилаётган ислохотлар билан таништириш мақсадида тақдимот ўтказилиб, унда, жумладан прокуратура ва бошқа ваколатли органларнинг мазкур соҳада тутган ўрни кўрсатиб берилди.

Учрашув ўзаро манфаатдорлик ва келгусидаги ҳамкорликни янада ривожлантириш руҳида бўлиб ўтди.