Руминия прокуратураси раҳбарияти билан учрашув

Бош прокуратура ва Ҳуқуқни муҳофаза қилиш академияси вакилларидан иборат таркибдаги Ўзбекистон делегациянинг хорижий ташрифи доирасида Руминия Бош прокурори биринчи ўринбосари А.Валеан ва Бош прокурор маслаҳатчиси К.Попеску билан учрашув ўтказилди.

Унда А.Валеан томонидан Руминия прокуратура органлари тизими, прокурорларнинг ваколатлари ва вазифалар, тизимда коррупцияга қарши курашиш борасида амалга оширилаётган ишлар бўйича маълумотлар тақдим қилинди.

Шу каби, К.Попеску томонидан 2022–2025 йиллар учун ишлаб чиқилган коррупцияга қарши стратегияси ва коррупциявий хавф-хатарларни баҳолашга оид услубиёт асосида амалга оширилган ишлар ҳақида батафсил маълумот берилди.