Академия талабалари – халқаро танлов совриндорлари

Ўзбекистон Республикаси Ҳуқуқни муҳофаза қилиш академиясининг “Феникс” жамоаси жорий йилнинг 22-26 апрель кунлари Москва аҳрида ўтказилган “Халқаро гуманитар ҳуқуқ” бўйича Ф.Ф.Мартенс номидаги ХХV юбилей танловининг финал босқичида иштирок этди.

Ҳакамлар ҳайъати финал иштирокчиларини баҳолаш жараёнини уларнинг халқаро гуманитар ҳуқуқ нормаларини билиши, жамоанинг ўз фикрини далиллар билан мустаҳкамлаши, вазиятга нисбатан тезкорли ва жавобни тақдим этишдаги ижодкорлиги каби мезонлар асосида амалга оширди.

Жорий йилда саралаш босқичи натижаларига кўра мусобақада Арманистон, Беларусь, Қозоғистон, Озарбайжон, Россия, Тожикистон, Туркманистон ва Ўзбекистондан 26 та жамоа иштирок этди.

Ўзбекистон Республикаси Ҳуқуқни муҳофаза қилиш академияси жамоаси ушбу синовлардан муваффақиятли ўтди ва 3-ўринни эгаллаб, совриндорлар қаторидан жой олди.