Сиракуза университети (АҚШ) Ногиронлар ҳуқуқлари бўйича юридик клиника вакиллари билан учрашув

Академияда АҚШнинг Сиракуза университети Ногиронлар ҳуқуқлари бўйича юридик клиника раҳбари, профессор Майкл Шварц бошчилигидаги делегация билан учрашув бўлиб ўтди.

Тадбирда Академия юридик клиникаси фаолиятини янада ривожлантириш мақсадида илмий-услубий ёрдам кўрсатиш, бу борадаги университетда эришилган ижобий тажрибани Академия фаолиятида қўллаш, шунингдек, жисмоний имконияти чекланган шахсларга ҳуқуқий ёрдам кўрсатишга оид халқаро лойиҳалар доирасида қўшма тадқиқотлар олиб бориш имкониятлари муҳокама қилинди.  

Учрашув сўнгида хорижий эксперт Академия юридик клиникаси фаолияти, хусусан, фуқароларга тингловчи ва талабалар томонидан беғараз ҳуқуқий ёрдам кўрсатиш бўйича ишлаб чиқилган махсус электрон портал иши билан танишиб, клиника фаолиятини янада такомиллаштириш бўйича ўз тавсиялари билан ўртоқлашди.